hey. alles klar’
min name isch luan michel vasconcellos clausen alias lu’an’c. ich bin zbrasilie gebore. wohne aber scho sit 20 jahre i de schwiz szüri.. im moment wohn ich aber in new york zbrooklyn und bsuech e sprachschuel. ihr fröged eu sicher warum de typ alles chli schriebt und sow.. de grund isch will min umschaltchnopf kaputt isch.. min compi isch uralt und ich hoffe inständig dass das teil bis as endi vom wettbewerb durehebt.. das heisst ich chan kei fragezeiche, kei usruefezeiche und sow mache.. nur sow zur info.. ich hoffe das fallt nöd allzusehr is gwicht und wenn doch hani halt päch ka..
ich han mich entschiede uf züridütsch zschriebe will ich au uf züridütsch texte und will das mini heissgliebti muettersprach isch.. hm de grund warum ich sow spat afange mit em blog isch, will ich vom 4. dez bis 10 januar zbrasilie gsi bin und ich viel zit mit minere family verbracht han. ich bin die meischte zit in salvador da bahia gsi was au de ort isch wo ich gebore bin.. aber ich han au zit in sao paolo verbracht wo min cousin wohnt, wo profisionelle bassischt ischt.. dur ihn hani jetzt paar gueti connections was potenzielli musiker und studios in brasilie abelangt.. ja und sit fascht 3 wuche wohni in new york im jude viertel.. isch e fründlichs quartier und dleuz da sind sehr hilfsbereit.. mängisch giz chli spannig will ich nöd weiss was mer im judetum derf und was nöd.. aber ich chume klar.. zrug zum thema haha.. i dere zit wo ich scho da hänge hani au scho paar connections knüpft und 2 studios bsuecht.. dlüt da fahret uf mini beats ab aber sie chegget verständlicherwis de sinn vo mine text nöd.. sie chönt einigi anglizisme uselose aber das langed halt nöd haha.. aber immerhin sägez ich heg en guete flow zum fründlich si.. ich muss ehrlich säge dass ich in letschter zit weniger a zeile gfilet han aber meh a beatz gschaffet und mir chli übers konzept gedanke gmacht han.. und natürli viel connections knüpft was mit sicherheit jede musiker witterbringt..
zum konzept..
min plan isch e cd usezbringe mit em titel es wird zit.. ich han scho 3 – 4 lieder wo ich is album inne ne wött, einigi agfangeni text, und massehaft beatz. ich hau nacher dlinks zu de fertige lieder am endi vom blog damit die wos intressiert scho chli en iblick hend wenns wend.. und ich muss erwähne dass ich nöd nur plane rap mit hip hop beatz zkomponiere sondern au reggae sound mit gsang oder rap oder beides. ich plane au 1-2 instrumentals innezneh will die beats scho allei zu fresh sind. ich hoffe das isch legitim.. falls nöd muss mer de alpi oder de sergio das säge und ich mache noi plän.. seinzige a was mers nöd fehlt isch kreativität.. ich wird mich in nächschter zit meh mit texte befasse.. ich han vor nomal en battlestyle zkicke will das eifach spass macht gopferdami, aber ich wött au chli über dunterschied zwüsched de brasilianische und schwizerische gsellschaft rappe und einige schwizer mal klar zmache dass mer eigentlich über nüt zmeckere hend im läbe.. han au vor e lyric über mini homies i de schwiz und mini bros zbrasilie zschriebe wo ich hert vermisse, lieb eu jungs.. und no en track wo dlüt motiviere sött srauche ufzgeh mit em tittel druck dini zigi us.. meh gedanke hani mer nonig gmacht oder hend nonig händ und füess.. ja das wärs gsi vo mir im januar.. und mer ghöret eus im februar wieder vonenand.. ich gahn wieder use i die wahri schuel.. peace out
da no dlinks zu de fertige tracks.
http://soundcloud.com/super-flash-bros/luanc-es-wird-zit
http://soundcloud.com/super-flash-bros/luanc-luans-jazz
http://soundcloud.com/luanc/in-gedanke-verlore-beat-all-i
